Hoxe domingo día 6 de xullo do 2008 terá lugar a Presentación do 4º Campus de Baloncesto Seis do Nadal - Coia ás 18:00 horas no Teatro da Cidade Universitaria de Vigo.
Neste primeiro contacto entre o Campus e tódolos inscritos, se levará a cabo a presentación dos adestradores de baloncesto e dos monitores de tempo libre, ademais de dar a coñecer as actividades deportivas que os rapaces e rapazas poderán practicar durante a semana e os adestradores e xogadores invitados que visitarán o noso campus para compartir adestramentos cos nosos inscritos.
O obxectivo fundamental desta Presentación é manter un primeiro contacto entre tódolos participantes e o Campus que organiza o Club Baloncesto Seis do Nadal - Coia, para comezar o luns 7 de xullo con moitas forzas e moitas ganas.
No hay comentarios:
Publicar un comentario